PRUTASARAPSA

Mahilig akong kumain. Sino ba ang hindi? Mahilig din akong magluto at mag-imbento ng kung anu-anong recipe  para sa sariling panlasa, at minsan, panlasa ng iba.

May mga prutas na mura at kung saan-saan lang makikita. Ngunit mayroon ding mga prutas na di karaniwang mabibili sa mga palengke at  fruit stand sa tabi-tabi ng kalsada. May mga prutas din na mahal, di ‘keri’ ng bulsa ng mga nagba-badyet na ina.

Isang araw sa Divisoria, may nakita akong isang aleng nagtutulak ng kariton ng prutas. Tumpok-tumpok ang bentahan (mas mura kaysa por kilo, patok na patok sa bulsa).

P100 lang ang isang tumpok ng Dragon fruit ( 3 piraso) at P50 naman ang isang tumpok ng Strawberry.

HETO ANG RESULTA:

  

PAANO GAWIN:

-balatan ang Dragon fruit at tilarin ang laman nito sa laki o liit na gusto mo. 
-hatiin ang Strawberry  (o buo. Depende sa tipo mo)

-paghaluin ang Dragon fruit at Strawberry sa isang bowl

-budburan ng konting asin at konting putting asukal

-lagyan ng all-purpuse cream (na tipo mo at swak sa iyong panlasa)

-palamigin bago kainin.